7 సెకన్లలో 15 మీటర్ల గోడెక్కిన యువతి... వైరల్ అవుతున్న వీడియో!

సుసంతి రహయా... ఇండొనేషియాకు చెందిన యువతి. ఈ యువతి చేసే సాహసాలు చూస్తే ఔరా అనాల్సిందే. స్పైడర్ కన్నా వేగంగా గోడలను సునాయాసంగా ఎక్కేయగలదు. 15 అడుగుల ఎత్తును 7 సెకన్ల కన్నా తక్కువ సమయంలోనే ఎక్కేసింది. ఇంకా కరెక్ట్ గా చెప్పాలంటే 6.995 సెకన్లలో ఆమె గోడను ఎక్కింది. చేతి వేలికి గాయం కాగా, ఆ నొప్పిని భరిస్తూనే, సుసంతి గోడను ఎక్కేయగా, ఈ వీడియో పోస్ట్ చేసిన క్షణాల్లోనే వైరల్ అయింది.

చైనాలోని క్సియామెన్ లో ఐఎస్ఎఫ్సీ క్లైంబింగ్ ప్రపంచకప్ పోటీలను నిర్వహించగా, సుసంతి ఈ ఫీట్ ను సాధించింది. ఈ వీడియోను ఇప్పటివరకూ 60 లక్షల మందికి పైగానే వీక్షించారు. వారంతా ఈమెను స్పైడర్ విమెన్ గా అభివర్ణిస్తూ, పొగడ్తలు కురిపిస్తున్నారు. సుసంతి గోడనెక్కుతున్న వీడియోను మీరూ చూడవచ్చు.